The 1st Killiney outlet in Cambodia, Phnom Penh
The very 1st Killiney outlet has just officially launched at Lumiere Hotel, Phnom Penh, Cambodia on 17th January 2019.
ដោយៈសុផល/ភ្នំពេញ៖ហាងកាហ្វេដ៏ល្បីឈ្មោះដែលមានដើមកំណើតនៅក្នុងប្រទេសសិង្ហបុរីតាំងពីឆ្នាំ១៩១៩ ឈ្មោះឃីលលីនី “Killiney Kopitiam”បានបើកសម្ពោធសាខាទី១របស់ខ្លួននៅក្នុងប្រទេសកម្ពុជា កាលពីព្រឹកថ្ងៃទី១៧ ខែមករា ឆ្នាំ២០១៩នេះ ដែលមានទីតាំងនៅជាន់ផ្ទាល់ដីនៃសណ្ឋាគារ Lumiere រាជធានីភ្នំពេញ ។
ហាងកាហ្វេ“KillineyKopitiam”បានចាប់ផ្ដើមដំបូងបំផុតមានទីតាំងស្ថិតនៅលើផ្លូវដ៏មមាញឹកឈ្មោះឃីលីនី “Killiney” នៃប្រទេសសិង្ហបុរី នៅក្នុងឆ្នាំ១៩១៩។ ហាងកាហ្វេបែបប្រពៃណី ហៃណាន ល្បីឈ្មោះ ១០០ឆ្នាំគឺដោយសារតែរសជាតិនៃកាហ្វេនិងតែឆុងឡើងតាមបែបបុរាណដ៏ឈ្ងុយឆ្ងាញ់។ពិសេសជាងនេះទៅទៀតគឺនំប៉័ងអាំង។ផលិតផលដែលហាងកាហ្វេ“KillneyKopitiam”ផ្ដល់ជូនបានធ្វើឲ្យអតិថិជនជាប់ចិត្តមិនអាចបំភ្លេចបាននិងហាក់បីដូចបានរំលឹកនូវអនុស្សាវរីយ៍ចាស់ៗឡើងវិញ។
លោកវូនតឹកសេង(WoonTekSeng)នាយកក្រុមហ៊ុនKillineyInternationalនិងជាស្ថាបនិកស្លាកសញ្ញាពាណិជ្ជកម្ម “Killiney Kopitiam” បានលើកឡើងថា៖ “ខ្ញុំមានកិត្តិយស និងសេចក្តីរីករាយជាខ្លាំង នៅពេលហាងសាខាក្រោមស្លាកសញ្ញាពាណិជ្ជកម្ម ដែលខ្ញុំបង្កើតឡើង បើកដំណើការជាបន្តបន្ទាប់ ដែលរហូតមកដល់ពេលបច្ចុប្បន្ននេះ មានជាង ១០០សាខា នៅក្នុងស្រុក និងនៅក្នុងប្រទេសចំនួន ៦ ហើយនឹងមានច្រើនឡើងបន្ថែមទៀត នាពេលខាងមុខ”។
លោកបានបន្ថែមថា៖បើសិនទទួលបានការគាំទ្រច្រើននិងជោគជ័យលោកនឹងពង្រីកសាខាបន្ថែមទៀតនៅរាជធានីភ្នំពេញ និងនៅបណ្តាខេត្តធំៗដូចជាក្រុងព្រះសីហនុ សៀមរាប ជាដើម។បច្ចុប្បន្ននេះ “KillineyKopitiam”បានបង្កើតផលិតផលនិងមុខម្ហូបរបស់ខ្លួនជាច្រើនបន្ថែមទៀតសម្រាប់ផ្ដល់ជូនអតិថិជនរបស់ខ្លួន គ្រប់ស្រទាប់ និងគ្រប់វ័យទាំងអស់។
លោកគីមរិទ្ធីអភិបាលរងខេត្តកណ្តាលដែលអញ្ជើញជាអធិបតីក្នុងពិធីសម្ពោធហាងកាហ្វេឃីលីនីនេះបានថ្លែងថា៖វត្តមានហាងកាហ្វេដ៏ល្បីឈ្មោះរបស់សិង្ហបុរីនេះជាសក្ខីភាពមួយបង្ហាញពីទំនាក់ទំនងល្អរវាងកម្ពុជានិងបរទេសព្រមទាំងបង្ហាញពីការទុកចិត្តរបស់វិនិយោគិនក្រៅប្រទេសលើរាជរដ្ឋាភិបាលកម្ពុជាលើវិស័យវិនិយោគទុន។លោកបានបន្ថែមថាកម្ពុជាសូមស្វាគមចំពោះការវិនិយោគរបស់ពាណិជ្ជករសិង្ហបុរីដែលមកបណ្តាក់ទុនលើវិស័យកាហ្វេ ដែលកំពុងតែពេញនិយមនៅកម្ពុជា៕S/
Newspaper source:
Fresh News Asia
ហាងកាហ្វេចំណាស់ជាង១០០ឆ្នាំរបស់សិង្ហបុរីបើកសម្ពោធសាខាដំបូងនៅកម្ពុជា